FAK Kultuurnaweek 2026

Oor die naweek

Sien in jou geestesoog: 'n winternaweek in die Boland, omring deur wingerde en berge, met 'n glas vonkelwyn in die hand, en Afrikaanse musiek wat in 'n historiese wynkelder weerklink. Die FAK-Kultuurnaweek op die Montpellier Wynlandgoed bied presies net dít, en nog veel meer.

Vir ‘n hele naweek word die prentjiemooi Montpellier omskep in 'n kultuurfees vol woord-, musiek en visuele kuns. Kuier tussen die produksies deur, verken die kunsuitstalling, sluit aan by 'n wyntoer of kunstenaarsgsprekke, of geniet eenvoudig die stille prag van die Boland. Dié naweek is daar geen gejaag nie, slegs die gesellige sjarme van Tulbagh, goeie wyn en sielsverrykende Afrikaanse kuns en kultuur.

Wat sluit jou kaartjie in?

Jou naweekkaartjie gee jou toegang tot Montpellier vir die volle twee dae, insluitend:

• Die volle dagprogram, insluitend alle konserte, gesprekke en toere

• Die kunsuitstalling Skep deur John Robbertse in die herehuis se kombuis

• FAK se boekuitstalling in die herehuis se sitkamer

• Kwilt-uitstalling in die kelder

• Kwilt-en-wyn-proe

• Toegang tot die volle dagprogram, insluitend alle konserte, gesprekke en toere

By die Bouval sal drink goed, kos en lekkernye beskikbaar wees deur die loop van die naweek.  Gaste wat nie beide dae wil kuier nie, kan ook ‘n dagkaartjie aanskaf.

Hoe bespreek ek my kaartjie?

Jy kan laer af op hierdie bladsy jou dag- of naweekkaartjie(s) bespreek. Jy sal daarna twee e-posse ontvang: een e-pos met jou dag- of naweekkaartjie, en ‘n tweede e-pos met ‘n skakel waar jy sal aandui watter konserte jy wil bywoon. Die konserte vind plaas in verskeie lokale met ‘n beperkte aantal sitplekke. Daarom moet gaste vooraf aandui watter konserte hulle gaan bywoon. 

Program

Vrydag, 19 Junie

• 12:30 Jy moet sing soos jy gebek is

• 14:00 By Alle Skone Dinge

• 15:00 TulBach Suites

• 16:00 Begeleide kunstoer met John Robbertse

• 17:00 Reünie met Frank Opperman

• 19:30 Cap Classique: Die Kaap is weer Klassiek!

Saterdag, 20 Junie

• 12:00 By Alle Skone Dinge

• 13:00 Begeleide kunstoer met John Robbertse

• 13:00 Wynstories: Regisseur, Akteur en Komponis in Gesprek

• 14:00 TulBach Suites

• 15:00 Rooidag: N.P. van Wyk Louw

• 16:00 Jy moet sing soos jy gebek is

• 17:00 Reünie met Frank Opperman

• 19:30 Die Spyseniersberg Soirée 

Volledige produksie-inligting en kunstenaarsbesonderhede

Beplan jou naweek

Benut jou tyd op Montpellier ten volle deur vooraf vir die volgende te bespreek:

🍷 Wynproe-ervarings – Kuier in die kelder of ervaar begeleide wynproeë.

🛏️ Verblyf op die plaas – Oornag op Montpellier en kuier sonder om oor padblokkades te kommer.

Montpellier Wynlandgoed het parkeerplek vir 50 voertuie per dag teen teen teen R150 per voertuig, en kan hier bespreek word. Veilige parkering is beskikbaar teen 'n fooi per dag by die NG Kerk Tulbagh, net ‘n klipgooi van Montpellier af. Die kaartjies kan by die kerk aangeskaf word. Die FAK-Kultuurnaweek se gratis pendeldiens sal elke 20 min tussen Montpellier en die kerk pendel.